ქარი გულჩათხრობილი ადამიანებისთვის მოუგონია ღმერთს, წვიმა-მოწყენილი მეოცნებეებისთვის,ქარიშხალი კი-უსაყრდენოებისთვის....ამის მიხედვით,მშვენიერი ამინდია აქ: "თბილი" და "მზიანი"...ამინდი თუ გაგიგებს მხოლოდ იქ,სადაც ღმერთისგანაც კი ხელჩაქნეული ხალხი ცხოვრობს.შენ კი...შენ კი გჯეროდა,შენ კი იბრძოდი - რა ამპარტავნებაა!!! და აი,მოგატეხეს ფარატინა ქაღალდისგან გამოჭრილი ფრთები.გეგონა დავარდებოდი,შენ ხომ ფრენდი უკვე,მაგამ უკაცრავად,უშნო ლოდზე მდგახარ და სასაცილოდ იქნევდი ხელებს!!!ახლა გინდ დარჩი მაგ ქვაზე და გინდ ჩამოდი,,მაინც ერთი სიმაღლე გაქვს მათთვის,ეშმასთვის ხარკად რომ მიუცია ღმერთს.მე მაინც გირჩევ ჩამოხვიდე და ფეხშიშველამ იბოდიალო
ქვიან მიწაზე- დაგეკაწრება ჯერ ისევ თხელი კანი (რით ვერ გაისქელე) და დაგავიწყებს სულში ჩაკირულ გაუსაძლის ნაცრისფერს.მერე დაღლაც მოგისწრებს სულზე,ბინდს გადაგაკრავს თვალზე და მოშორდები სულშემძვრელ ჩვენებებს.იქნებ ჩაგეძინოს კიდეც სადმე,ნიავმობერილს....
ჩამოდი ქვიდან!
მაინც ერთი სიმაღლე გაქვს მათთის!!!
No comments:
Post a Comment